

किसानहरूलाई सामूहिक उत्पादनमा लगाई नेपालको अर्थतन्त्रलाई माथि उठाउन सकिन्छ भन्ने उद्देश्यका साथ राष्ट्रिय आत्मनिर्भर अर्थतन्त्र निर्माण अभियान, नेपालले अर्थतन्त्रलाई आत्मनिर्भर बनाउन लागिपरेको छ । यो अभियानले केन्द्र, प्रदेश, जिल्ला र स्थानीय तह तथा किसानहरूको बस्तीसम्म पुगेर उत्पादन समूह निर्माण गर्ने कामलाई युद्धस्तरमा अगाडि बढाइरहेको छ । किसानहरूको सामूहिक संगठनबाट किसानहरूलाई सामूहिक खेतीमा लाग्न प्रेरित गर्ने त्यसरी सामूहिक खेतीबाट उत्पादित खाद्यान्नलाई अभियानको   पब्लिक कम्पनी उर्वर नेपाल मार्फत बजारीकरण गर्ने उद्देश्यका साथ यो अभियान अगाडि बढिरहेको छ । यो अभियानले कृषकहरूलाई प्राविधिक सहायता, मल, बिउका साथै कृषिविज्ञ मार्फत किसानलाई आवश्यक पर्ने राय सल्लाह सुझाव दिएर अहिले उत्पादन गरेभन्दा कैयौं गुणा बढी उत्पादन गर्न लगाउने र यसरी उत्पादित वस्तुलाई उर्वर नेपाल मार्फत उपभोक्ताका घरघरमा पुर्याउने उद्देश्य बोकेको छ ।
Speaker: Everyone can join the speaker section ,if they want to share any insights or ask questions.