தமிழ்த்தேசிய அரசியலில் பால் நிலை சமத்துவம் பேணப்படுகிறதா? இல்லையா??

நளினி ரத்னராஜா
('கனவுகள் மெய்ப்படுகின்றது')
மனித உரிமை செயல்பாட்டாளர் மற்றும் வாழ்க்கை மேம்பாட்டு பயிற்றுவிற்பாளர்

ஈழத்தமிழ்ச் சமூகப் பொதுப்புத்தி அமைப்பியலில் அகவயமாக குடும்ப நிர்வாகப் பொறிமுறை என்பதிலும் புறவயமாக அரசியலிலும் பெண் என்பவள் தொடர்ந்து விழிம்பு நிலை நபராகவே இருக்க வைக்கப்படுகிறாள்.

அறிவு மற்றும் தொழில் புரட்சிகளுக்கும் இடையில் 'பெண்' கருத்தியல் ரீதியாக மாற்றம் கொள்வதென்பதைவிட தேவைக்கான நெருக்கடிக்குள் 'மாற்றீடு' என்கிற பொறிமுறை இடைவெளி இட்டு நிரப்புதலையே இன்று வரை ஆண்களால் மாற்றமெனச் சொல்லப்பட்டு வருகிறது.

'இட ஒதுக்கீடு' என்பதல்ல; அதிகார ரீதியாக பாராளுமன்ற ஜனநாயகச் சூழலில் மக்கள் என்கிற பொதுப்புத்தியில் வாக்குகளின் எண்ணிக்கையில் 'பெண்' என்பதற்கான மக்களதிகாரப் பிரதிநிதி எண்ணிக்கையில் பாராளுமன்றத்தில் பெண், ஆண் அங்கத்துவ சமத்துவம் பேணப்பட வேண்டும் என்பதன் முன் நிபந்தனையாக கட்சிகளில் அதிகாரப் பால் நிலை சமத்துவம் பேணப்பட வேண்டும்.

ஈழத்தமிழ் அரசியலில் 'தனிநாடு' என்கிற தமிழ்த்தேசிய அரசு கட்டமைப்பிற்காக போர்க்களத்தில் முன்னரங்க யுத்த வீரர்களாகக் காணப்பட்ட பெண்கள், யுத்தத் தோல்விக்குப்பின் மீண்டும் உடல் ரீதியான பாகுப்பாடுகளாலும், மரபார்ந்த கலாசார பண்பாடுகளாலும் தமிழ்த்தேசிய அரசியலில் காணாமல் ஆக்கப்பட்டோர் பட்டியலில் 'பெண்' நிறுத்தப்பட்டிருக்கிறாள்.

யார் காரணம்...?

பேசுவோம்...! உரையாடுவோம்...!! விவாதிப்போம்...!!!