படிப்படியாக செத்துக் கொண்டிருக்கும் 'தமிழ் தேசியம்' என்னும் வார்த்தைகளில் தொங்கி உருத்தெரியாமல் அழியப்போகிறது 'தமிழ்த்  தேச' அரசியல். யதார்த்தம் புரியாத, புரிய விரும்பாத 'யாழ்ப்பாணிய' தமிழ் அரசியல்  சிந்தனைக் கலாச்சாரம் இதைத்தான் செய்து வைத்திருக்கிறது.  தமிழர்களின் 'ஏகோபித்த ஆணை', ஒரே  தலைமை-ஒரே  இயக்கம், ஏகபிரதிநிதித்துவம்,  நிழல் அரசு, நிழல் இராச்சியம் என கற்பனாவாதத்தின் உச்சத்திற்கு சென்று அது முள்ளிவாய்க்காலில் தலை குப்புற விழுந்து  நொறுங்கியது. சிதறியது. அப்படிச் சிதறியதை மீண்டும் கூட்டி அள்ளி ஒரே கூடையில் போடும் முயற்சியாகவே 15 வருடத்திற்குப் பின்னான இன்றைய 'பொது வேட்பாளர்' என்ற புரளியை பார்க்கக் கூடியதாக இருக்கிறது. தாம் பேசும் ' தேசிய இனப் பிரைச்சினை' ,  என்ற ஒரு சுலோகத்துக்கு அப்பால் உலகம் அசையாமல் நின்றுபோய் இருக்கிறது என்று யோசிக்கும் அளவுக்கு இந்த தமிழ் அரசியல் தன்னுள்ளேயே சிறைப்பட்டுப் போயுள்ளது போல் தோன்றுகின்றது. இந்தப் பின்னணியில் இன்றைய  'மக்கள் மனு', பொது வேட்பாளர், ஜனாதிபதி தேர்தல், அதில்  யாருக்கு ஆதரவு  என்பவற்றைப் பேசுவோம் வாருங்கள்.