كل واحد له احلامه . و كل عصر و له ايامه . كل شاعر شاف في كلامه . احلى كلام في الدنيا إتقال. كل شجره و ليها جذورها . . كل ورده و ليها عبيرها كل بصمه و ليها اسيرها . سجناه و هروبه منها محال. سيبني اقول كل اللي في نفسي . سيبني احقق ذاتي بنفسي. لانت بنفسك تشبه نفسي . ولا كنت في خطواتي خيال عندي طموح جامح بخياله . هو حصاني و انا خياله. ماسك بكل جراءه حباله . علشان يطلع اعلى جبال حس بنفسك احلى ما فيك . شوف احلامك شوف امانيك خد من يومك كل ما ليك . هتلاقي الحال غير الحال